صارفین کے لئے پیغامات سے بچنا نا ممکن ہوگیا

whatsaapoمقبول ترین موبائل میسجنگ ایپ واٹس ایپ کے صارفین کے لیے موصول ہونے والے پیغامات سے بچنا ناممکن ہو چکا ہے۔آج صبح سے “واٹس ایپ” نے پیغامات کے ساتھ نیلے رنگ کے “دو ٹک مارکس” دکھانا شروع کر دیے ہیں جن کا مطلب ہے کہ یہ پیغام پڑھا جا چکا ہے۔اس سے قبل صرف دو طرح کے ” ٹکس” موجود تھے۔ایک ٹک کا مطلب ہوتا تھا کہ پیغام بھیج دیا گیا ہے جبکہ دو ٹک کا مطلب تھا کہ اسے صارف کے موبائل پر ڈلیور کر دیا گیا ہے۔ اب نئے فیچر کے تحت جب پیغام پڑھا جا چکا ہو تو دونوں ” ٹک” نیلے رنگ کے ہو جائیں گے۔اسی طرح ” گروپ چیٹ” میں جب تمام ممبرز کو پیغام موصول ہو جائے تو اب دو “ٹک مارک” نظر آتے ہیں اور جب تمام ممبرز پیغام کو پڑھ لیں تو ان کا رنگ نیلا ہو جاتا ہے۔ اسی طرح صارفین کسی بھی پیغام پر انگلی دبا کر رکھیں تو وہ دیکھ سکتے ہیں کہ مختلف ممبرز نے پیغام کس وقت پڑھا۔تاہم ان تبدیلیوں کو دیکھنے کے لیے صارفین کو اپنا ” واٹس ایپ میسجز” اپ ڈیٹ کرنا ہو گا۔ان تبدیلیوں پر صارفین نے سوشل میڈیا پر ملے جلے رد عمل کا اظہار کیا ہے ۔بہت سے صارفین کے مطابق ہر وقت پیغامات کے جواب دینے کا دل نہیں کرتا اور ایسے میں اگر اگلے آدمی کو معلوم ہو کہ اس کا پیغام پڑھ لیا گیا ہے لیکن کوئی جواب نہیں دیا گیا تو خوامخواہ غلط فہمی پیدا ہو سکتی ہے۔یاد رہے کہ واٹس ایپ مینیجر چند ماہ قبل فیسبک نے خرید لیا تھا۔

Be the first to comment

Leave a Reply

Your email address will not be published.


*